|
|
| 新聞評論(三) - 資訊素養
|
校長、各位老師、同學早晨，我係德育組的黃智信老師。
今日想同大家分享的新聞概念係資訊素養。隨著科技日新月異，大家都係互聯網有多一個身份，可以脫離現實暢所欲言，去分享資訊或者同其他人去交流，但係大家有無諗過自己係互聯網又係咪一個良好公民呢？
所以係21世紀就出現左資訊素養的名詞，指每一個社會公民係網絡上的品德質素，主要針對網絡世界。資訊素養有好多唔同的準則，黃sir覺得當中有一項準則係同學仔要多加留意，就係「符合道德地及負責任地使用、提供互通資訊」，因為呢項準則往往都係同網絡欺凌的議題有關，例如惡意起底、網上言論攻擊、未經對方同意上載他人的照片都已經算係不道德提供互通資訊，屬於網絡欺凌。相信以上行為，大家同學仔都一定見過或者做過，以為偷影左某個朋友的照片上載上網就好開心。但佢地又有無諗過對方感受或者佢唔喜歡被人攻擊、公開呢？如果對方因為你係網上貪快貪有趣而傷害自己，你又負唔負擔得起呢？
2020年日本就有一個專業女子摔跤手木村花，因為網絡欺凌而自殺。呢件更加刺激到日本國會參議院係上星期就網絡言語暴力者加重刑罰到監禁，最嚴重者可被判囚1年。相信未來會係一個趨勢，愈來愈多國家立刑法規限網上言行。因此，同學們都唔好因為互聯網傳播速度快同方便就以為分享咩野都得，反而更應該因為佢傳播速度快、無得返轉頭而於網上要慎言慎行，考慮清楚你的言行先好係手機「禁」你的傳送/發放的選項，避免傷害到別人，培養良好的資訊素養。
|
|
|
