|
|
| 新聞評論(一) - 碳中和
|
校長、各位老師、同學早晨，我係德育組的黃智信老師。
今個星期係環保週所以今日要分享的新聞概念係「碳中和」。要了解「碳中和」係d咩，就要先了解碳的意思，亦即是二氧化碳的排放，二氧化碳正正就係溫室氣體的一種，亦因為人類現時製造過多溫室氣體，變相加劇溫室效應，演變成全球暖化。
所以「碳中和」的出現就係人類如何用唔同的方法去抵消二氧化碳排放。就等於我地減肥一樣，透過做運動去減少或者抵消返體內卡路里增長，打個比喻—我地食一個麥樂雞餐就會吸收520卡路里，相當於我地要游水30分鐘先可以抵消返體內卡路里的增長，做到「中和」。
所以地球要「碳中和」有兩種「運動」方法。第一種就係碳補償，最常見就係透過人工植林的方式，發展更多樹林去吸收人類的二氧化碳。第二種就係發展低碳或零碳排的技術，最常見就係大量使用低碳—可再生能源，而唔係化石燃料。
當然，我地唔可以站在國家政策層面，決定用邊一種能源發展。但我地可以由個人習慣做起，例如我地屋企冷氣，如果使用有節能認可的冷氣機，相比無節能認可的，一年就就可以減碳300 - 400 公斤；又或者大家減少使用塑膠製品、多使用可重用的餐具，都可以減少石油所製的碳排放~
希望大家都可以從個人做起，做到「碳中和」。
|
|
|
